ائله کی باخیرام دونیا گئدیر ،
اولان اولمور ،اولماز اولور
یانیما باخیرام سن یوخسان!
حسرتیندن گوزلر دولور
ساعاتا باخیرام گئج قالدیم ،
دونیا گئتدی من تک قالدیم
خاطیره لر دفترین آچدیم ،
سنی بیردن یادیما سالدیم
شالین سئویملی حالین ،
یادیما دوشه دوشه داریخدیم
آدین ، قلبیمده یادین ؛
جانیما دوشه دوشه داریخدیم
دونیا ، قارشیمدا دریا ،
دالغایا دوشه دوشه داریخدیم
ارسال دیدگاه
تایید شده : ۰ ، در حال بررسی : 0 ، مجموع : 0